Friday, May 24, 2013

ഓര്‍മ്മകള്‍

എന്‍റെ മിഴികള്‍ക്കു മുന്നില്‍ തുറന്നു വെച്ച, നോവുകള്‍ക്കെല്ലാം കണ്ണീരിന്‍റെ നനവാണ്..!

ഓരോ തുള്ളിയായ് ഓര്‍മ്മകളിവിടെ പെയ്തുവീഴുമ്പോള്‍ ..
എന്‍റെ മിഴികള്‍ പാതി തുറന്ന ജാലക വാതിലിലൂടെ എന്നെ മാത്രം
നോക്കിയിരിക്കുന്ന നിന്‍റെ മിഴികളിലേക്കായിരുന്നു....!!

നിനക്കറിയുമോ...?
പെയ്തു വീഴുന്ന മഴത്തുള്ളികള്‍ക്കിടയിലൂടെ നിന്‍റെ മിഴിനീരെനിക്കു
കാണാന്‍ കഴിയാതെ പോയത്..
എരിയുന്ന മനസ്സില്‍ നേര്‍ത്തൊരു
നനവു തേടി ഞാനീ മഴത്തുള്ളികളോട് പരിഭവം പറഞ്ഞതുകൊണ്ടായിരിക്കും.....!

എങ്കിലും ഒന്നറിയുക പ്രിയേ...
നിന്‍റെ ഹൃദയത്തില്‍ കൂടുകൂട്ടിയിരുന്ന കാര്‍മുകിലുകളായിരുന്നു
ഇന്നലെയെന്‍ വിരല്‍ത്തുമ്പിലൂടെ അക്ഷരത്തുള്ളികളായ്

പെയ്തു നിറഞ്ഞിരുന്നതെന്ന്.....!!

No comments:

Post a Comment