Friday, May 24, 2013

മഴ

നിറഞ്ഞു പെയ്യുന്ന ഒരു ഇടവമാസ പുലരിയിലാണ് ഞാന്‍ മഴയെ ആദ്യം കണ്ടത്‌....
എന്നോടൊപ്പം പെയ്ത എന്‍റെ ആദ്യ കൂട്ടുകാരി ..
ജനനം മുതല്‍ എന്‍റെ  സ്വപ്നങ്ങളില്‍, ഇഷ്ടങ്ങളില്‍, സങ്കടങ്ങളില്‍ഒക്കെയും അവള്‍....
എത്രയോ ദിവസങ്ങളില്‍ എന്‍റെ കുഞ്ഞു സങ്കടങ്ങളില്‍ എന്നെ ചിരിപ്പിക്കാന്‍, നനയിക്കാന്‍അവളെത്തിയിരിക്കുന്നു .....
ആ വിരലുകളുടെ കുളിര്‍മ്മ സ്വാന്ത്വനമായിരുന്നു ...
എത്ര പെയ്തിട്ടും മതിവരാതെ അവള്‍... എത്ര നനഞ്ഞിട്ടും മതിവരാതെ ഞാനും .....
ഏതു വേനലിലും അവളെന്‍റെ  മനസ്സില്‍ പെയ്തു കൊണ്ടിരുന്നു ...
ഇപ്പോഴും അവള്‍ എന്നരികിലുണ്ട് ...
മഴക്കാറ്റില്‍ വിറങ്ങലിച്ചു നില്‍ക്കുന്ന സ്വപ്നങ്ങള്‍ക്ക് മുകളില്‍ എന്നോടൊപ്പം നൃത്തം വെച്ച്......

No comments:

Post a Comment